【Viu】ERROR未能喺叱咤開齋得獎，唔少網友都戥四子唔抵，但佢哋就話預咗食白果，所以3爺先夠膽誇口許下攞組合獎就裸跑嘅承諾，肥仔又笑言下年會派MIRROR裸照嚟爭獎。坐足一晚嘅ERROR，自嘲已經由「樂壇企鵝」升呢做「樂壇四大觀音」，事關「坐蓮」好叻喎，又自翊係「訪問KOL」，希望增設「最受傳媒喜愛」嘅獎項，呢個獎小編一定投你哋㗎！
此外，Jeffrey魏浚笙以表演嘉賓身份首次登上叱咤舞台，畀「狂迷正」踢爆佢緊張到打牆，Jeffrey大呻後悔，因為又痛又紓緩唔到壓力，但感謝軒公喺中招期間仍然傳授唱歌心得，係愛呀！
