【Viu】早前飛馬來西亞探親嘅Fish廖子妤，近日帶埋媽咪返港，佢指媽咪會留兩個星期，依家晚晚都有煮家飯食好幸福！問到有冇帶男朋友返去見媽咪？Fish怕醜笑話之前已經見過，仲話雙方相處融洽：「媽咪話我鍾意就得！」
不過Fish就懶神秘未肯透露男朋友身份，只係笑話可能行行吓街會阻到佢哋，聖誕將至買好禮物？佢搞笑話希望男朋友有表示，自己亦都有物色禮物。主演《飯氣攻心》舞台劇版嘅Fish就話好大壓力、好驚，未開始排練就公開賣飛，因為佢都有份演電影版，所以笑話要演另一個角色似係重新投胎。
同為11月壽星嘅ANSONBEAN、Mandy，不約而同話收到首飾做禮物，前者仲首次收到fans嘅巴士應援添！講到聖誕交換禮物，ANSONBEAN就難忘幫人買蜜瓜做禮物，而Mandy就自爆收到痔瘡膏，另外，問到同門藝人Amy Lo日前宣道同MIRROR成員Ian分手，Mandy指係兩位當事人嘅事情，希望大家畀啲空間佢哋。
