【Viu】Sammi鄭秀文、Fish廖子妤、蔡思韵同楊文蔚今日齊齊出席服裝品牌商場活動。Sammi自上次宣布出年開紅館騷之後，反應勁熱烈，佢都笑話即刻有人話要訂飛，但暫時未公布有幾多場。講到佢最近同馮德倫拍戲又合唱，會唔會邀請對方做嘉賓先？Sammi都話好，搞笑話要睇馮德倫上台點腳震！咁佢又會唔會做老友鄭伊健紅館騷嘅嘉賓？Sammi直言收到邀請會首先考慮！
Fish見到偶像Sammi即刻心心眼，話要幫埋同樣都係fans嘅媽媽搲拍片福利！提到上次孖好姊妹余香凝上《你是我的後援會》揭有驚恐症，佢坦言已有兩年冇病發，學識同情緒相處！
