【Viu】麗英上個月推出新歌《惡作劇完成》講一段甜中帶苦嘅校園愛情故事，而今次MV嘅靈感仲係嚟自麗英暗戀同學嘅真實經歷！雖然隔咗咁多年，但係一諗返起呢段青春回憶，依然令麗英會心微笑！而今次MV男主角搵嚟小薯茄嘅顏值擔當朱mic，雖然畫面都好養眼，不過難得拍MV可以公器私用，麗英竟然冇請其他男神自肥，唔似佢Style喎！原來佢其實一早想請MIRROR成員Ian做男主角，不過最尾因為檔期問題唔成事，唯有再等下次啦！而麗英都計劃明年二月去「東京一轉」，仲落足嘴頭希望高Ling同阿富兩位老闆出錢，俾佢去日本拍MV，希望佢真係可以自肥成功啦！
