【Viu】「小薯茄」玩轉虛擬世界再到現實，推出首本書《雪櫃冷笑話》，呢日高Ling帶領女子組成員麗英、童童同阿冰嚟到書展舉行簽名會，廣吸過百名fans乖乖排隊攞簽名，「微辣」成員霍哥更踩場selfie！四位成員事前受訪都話好緊張，特別有練過簽名，阿冰仲話簽多一倍都仲得添呀！童童早前玩問答比賽贏到10本新書，搞笑話一心拎嚟炒賣，但當時怕會變蟹貨，好彩依家銷情好好：「放心攞出嚟⋯畀大家睇我有10本啦！」
9月份「小薯茄」就會喺麥花臣開兩場生日party，但早前記者會就好似比男子組FINALLY搶晒風頭，女子組超大方「讚」FINALLY又靚仔、又紅、又同MIRROR一齊衝出亞洲，麗英仲抵死笑話：「點同佢哋鬥呀？好多外國人覺得程人富好靚仔，大勝MC，去到外國就天賦不如人富！」程人富聽到會唔會開心死？
