【Viu】ViuTV新劇《心靈師》，故事圍繞都市人經常會患上嘅精神病，雖然題材比較嚴肅，但微辣成員劉蘊晴(Rachel)同陳嘉倩就爆料，話Dee即使演一名患有8重人格嘅精神病人都依然照爆肚，認真犀利！處女拍劇嘅Rachel仲話好感激Dee喺片場經常同佢分享拍戲經驗，又會佢放鬆啲，唔好咁緊張，令佢個心都定咗好多！果然係好前輩啊！
而楊詩敏(蝦頭)就投訴話冇機會同Dee演對手戲，覺得好可惜！蝦頭今次收起平時搞笑一面，飾演一名臨床心理學家，即使演戲經驗咁豐富，佢都話被考起，仲自爆對白太多專業名詞，搞到猛咁NG，阻住大家收工，要請大家食嘢賠罪啊！
