【Viu】ViuTV劇集《心靈師》由Sam李璨琛監製兼主演，佢喺劇入面組成心靈師團隊同飾演醫生嘅Benji姜文杰，一齊為精神病患者解開心結。劇集故事內容比較嚴肅，講到拍呢套劇嘅初衷，佢哋認為唔好因為精神病三個字嚇親，大家都可以正視發生嘅問題。《心靈師》咁heavy，咁啱搞笑嘅蝦頭同Dee哥，就可以中和一下氣氛。Dee哥喺劇中飾演Sam嘅咖啡店員工，幫手為客人解憂，但原來佢都有精神病，內藏8種人格，要喺短時間內做到好細微嘅轉變，Sam同Benji都知道Dee哥咩料喇！Benji覺得拍攝時最蝕底嘅係因為個變態造型，搞到明楨BB唔敢同佢講嘢，而且佢仲勁情緒化，喊到鼻涕口水都流埋，而現實中Benji嘅情緒都受到角色影響，個人變得沉鬱，好彩中途有件事沖喜下。
