【Viu】Sam李璨琛、Benji姜文杰、陳嘉倩、Rachel劉蘊晴今日出席ViuTV原創劇《心靈師》，Dee哥何啟華因病缺席，但仍然有拍片「講經」支持，仲畀阿Sam同Benji爆佢激罕早到嘅笑料添！
Sam讚阿Dee係好演員，每次開工都準備充足，演出仲令佢喜出望外添！Benji亦預告Dee哥會為新劇獻Sing，好期待喎！講到老婆陀第二胎，Sam話Lucy已經Ready好做家姐，每日都拎奶樽扮餵弟弟/妹妹飲奶，但好鬼大力，希望阿囡之後可以溫柔啲。Benji話見到Sam嘅幸福家庭，都想生返個呀！
Rachel同嘉倩喺劇中獻出好多第一次，前者1 Take過完成喊戲；後者要畀導演非禮。咁會唔會派女神福利圖催谷收視呢？佢哋就自嘲冇嘢睇喇！
