【Viu】電影《窄路微塵》導演林森、主演嘅張繼聰同袁澧林Angela早前上咗ViuTV節目《爆谷一周》錄影宣傳新戲。Angela受訪嗰陣話阿聰喺片場教路：「最記得有場喊，我好想喊但係佢唔畀我喊，話拍戲要留啲情緒，而家睇返我都明真係要咁樣。」阿聰亦大讚Angela好出色，話有場戲佢終於可以喊，但係當時已經凌晨3、4點，又轉咗幾次景又食完宵夜：「佢嗰陣問我點算，我話roll機就拍到㗎啦，其實我心裡面都覺得好難演，點知佢一take搞掂。」
嚟緊聖誕電影正式上映，導演同演員都話其實部戲好啱聖誕節睇，除咗因為劇情感動溫暖，阿聰仲話有得睇「靚嘢」，講緊嘅就係靚女Angela囉！
