【Viu】張繼聰日前代表九零三人隊出戰《903 AllStar籃球賽》，但最終以一分之差落敗，事後阿聰出post踢爆最後一球193觸手犯規，今次真係有圖有真相啦！而今日阿聰出活動都有講番呢件事，搞笑話如果球證吹咗，有兩球罰球或者就可能改變賽果，但就會有好多後生女喊出九龍，所以依家都係最好嘅結局！
講到193認錯兼話下次比賽還番一球，阿聰即刻反問：「佢講嘢會信咩？佢份人聰明伶俐！」不過佢都諗定復仇大計！至於講到姜濤受傷順利完成手術，阿聰指有慰問對方，又自爆當日都被「炒芥蘭」，快啲即刻睇足本訪問片啦！
