【Viu】 全城熱播嘅ViuTV原創劇《季前賽》啱啱星期一正式首播，一班演員喺劇中嘅一舉一動都係網民嘅討論熱點！噚晚有教主Anson Lo客串，驚喜現身飾演靚仔空少小明，呢身制服誘服唔好話一班神徒喇，連張繼聰都留言話 囡囡Kakaball睇到心心眼啊！而第三集最大嘅爆笑位一定係Yoyo幻想嘅英雄救美情節，飾演暴走族嘅Sica、Alice、學生妹Yoyo同靚仔學生哥嘅姜濤全程日文上線，熱血得嚟又夠晒中二病，真係睇到笑爆嘴，連阿姜都忍唔住Cap低，放上IG Story同大家開心share呀！而阿姜同肥仔呢pair，戲裡戲外嘅老友都擦出好多火花，肥仔都有喺IG share幕後花絮，見到阿姜喺拍攝時冇大冇細，大逆不道出手打師傅塊肥面豬仔，肥仔當然都不甘示弱，真係俾佢哋笑死喇!
