【viu】獨立歌手何佩日前為新歌《末日還想看日落》去到林村嘅一間士多取鏡拍攝MV，講述爺爺三代傳承故事，專登搵嚟撞樣好姊妹兼中學同學阿冰@小薯茄飾演真·家姐，佢哋仲齊齊着校服，十足孖妹一樣！
何佩笑話有諗過公開當年中學時期嘅合照，不過被阿冰極力阻止，最後阿冰都係妥協，仲承諾若然MV過20萬views就公開一千零一張「黑圖」！想要呢個福利嘅你哋就要識做啦！之後何佩又搞笑話原定向阿冰以身相許作為今次報酬，但點知再食檸檬，所以行plan B計劃作歌畀自封係rapper嘅阿冰，更取fans提議組隊叫「冰何世紀」！
至於Nicky王雍泰就驚喜出演阿冰嘅男朋友，抵死笑指暫時拍攝最多只係膊頭掂膊頭，話期待更多嘅接觸戲份，女神果然魅力沒法擋！
