獨立音樂人：何佩新歌獲電台播放感動到喊盼能與柳應廷陳蕾岑寧兒合唱

【Viu】《全民造星IV》嘅參賽者何佩，比賽完咗之後繼續以獨立音樂人身份自資做音樂，最近佢第一首作品《Unknown》就正式面世！雖然冇成功贏到比賽組女團，但參加造星都令何佩有好多得著，唔單止個人信心大咗，仲發現自己原來對演戲方面好有興趣添！而喺製作新歌過程入面，何佩都有好深體會，亦好多謝身邊有咁多人支持自己，佢仲自爆聽到首歌喺電台播嗰陣，感動到喊咗出嚟添啊！而見到造星IV咁多位戰友都陸續出道、出歌，佢都覺得勁興奮，仲話佢哋成班參賽者曾經約定，將來要喺舞台上見面添！相信呢個約定好快就會實現啊。

瀏覽 Viu網頁觀看影片

瀏覽 Viu網頁