【Viu】人氣YouTube頻道「小薯茄」幕前成員程人富、麗英、阿冰、童童、阿J、朱Mic同肥蚊，為慶祝「小薯茄」六歲生日，喺尖沙咀一個商場set up咗限定打卡位，仲推出埋周年限定精品，同fans齊齊賀壽！埋嚟聽吓成員們各推介嘅打卡位啦！佢哋話有份「干涉」設計㗎！
話晒生日咁大件事，梗係唔可以唔提嚟緊喺麥花臣舉行嘅3場birthday party啦！為隆重其事，程人富首孖童童合唱主題曲，後者抵死笑話呢次crossover係想突破觀眾嘅耳膜，又搞笑對住人富話：「你嚟襯托我㗎！」認真笑爆嘴！佢哋透露依家每日都會排練，而女子組就預告開騷會大晒女人味，甚至終極劇透有成員會露肉，佢哋仲話有機會加場，呢舖係真唔係呀？
