【Viu】張繼聰噚晚為自家品牌pop-up store宣傳，仲預告會出埋童裝，等阿囡唔使再投訴。講到佢憑《窄路微塵》首次提名金馬影帝，阿聰多謝台前幕後，最希望觀眾會入場支持好電影，加上對手都係前輩，自己都唔敢諗有冇信心，不如專注排練10月中嘅演唱會好過。咁太太謝安琪有咩反應呢？阿聰笑言太太廿年前已經知佢咩料，對老公嘅才華從來冇感到驚訝，係叻嘅！
笑指10月係阿聰嘅天下，有電影出又有騷開，連劇集《季前賽》都就快出街，阿聰就謙稱自己只係「娛樂圈齒輪」，但就踢爆某偶像團體喺拍劇時好鍾意影人黑圖，自己都有「中招」，仲爆埋MIRROR同ERROR成員嘅睡相添呀！
