【Viu】Peter陳湛文喺Viu Original原創劇《Diane Be True呈獻：她和她的戀愛小動作》入面客串演一名控制狂營養師， Peter話今次角色勁過癮，印象最深刻係有一幕喺大街上鬧爆爺爺岑珈其亂食垃圾食物，成段戲都好好笑，仲話因為同爺爺喺《IT客狗》入面已經建立咗默契，演起對手戲上嚟一拋一接寧舍有火花！佢仲話同ANSONBEAN合作要飲好多精神飲品，事關呢位年輕人真係太多energy，粒電用極都用唔完，搞到佢勁羨慕啊！不過因為今次只係客串Peter都覺得唔多夠喉，仲話好想同男神栢天男合作，睇下會產生咩化學反應喎！
講到因為《IT狗》男Billy一角成功入屋，Peter都話好開心，仲自爆喺街上有時會有街坊同佢say hi，搞到佢出門都唔敢太不修邊幅啊！
