【Viu】Viu Original原創劇《Diane Be True呈獻：#她和她的戀愛小動作》中，當Kayan9896拍攝一場「姨媽到」嗌foodpanda外賣嘅劇情時，同場嘅林千渟就爆佢私下成日叫外賣，不過都會注重健康嗌湯水多，有時仲會萬歲請劇組食嘢添！笑問有冇試過遇到靚仔外賣員？林千渟答有，但通常叫得外賣都係冇化妝嘅時候，所以咁就冇咗下文啦⋯
問到期待之後拍咩場口？Kayan9896透露有一場係同超級靚仔嘅演員喺雨中對戲，至於係邊個靚仔？佢封口賣關子，然後笑爆嘴話如果導演有需要可以玩脫衣濕身誘惑，尺度咁大嘅咩？
