【Viu】Kayan9896近日出咗第3首個人單曲《HELL NO》，MV推出幾日已經有過十萬點擊，人氣高企呀！而噚日佢出活動嗰陣笑話早前叫大家競猜誰是MV男主角嗰陣，有好多人都估係男神Jeffrey，最後開估係型男黃溢豪，Kayan話有試探過Jeffrey，下首歌搵佢做男主角咁話！
提起佢日前生日，問到男朋友Locker有咩表示先？點知Kayan篤爆男朋友乜嘢表示都冇，當日亦只玩足一日board game然後再食生日飯，但佢竟然一啲失落都冇，因為當輪到Locker生日嗰陣，佢就可以明正言順零準備，咁都畀佢諗到，確實叻女！至於講到由試當真主辦嘅選秀節目《校花校草2022》，Kayan就話睇好皓嵐同泰妹，問到選完有新血加入簽約會唔會擔心分薄資源？佢好老定咁話冇有怕，百花齊放咁先熱鬧呀！
