【Viu】栢天男、張達明、莊韻澄、黃又南等噚晚喺圓方出席電影《孩子轉運站》首映。同緊子華神、謝君豪、王敏德拍電影《毒舌大狀》嘅栢天男，笑言因為太多好戲之人同場，所以自己都要跟老師學戲，因喺戲中佢個角色嘅內心戲都唔少，「內心戲不是說笑的，進步空間可以很大，在學習過程中對角色的了解更加深。」嚟緊Adam亦會喺新劇《Diane Be True呈獻：她和她的戀愛小動作》會同Kayan9896有感情戲，栢天男話：「佢係一個有好多energy嘅人，自己都有少少期待。」
而陀緊第二胎嘅莊韻澄，早前透露收唔少核突嘅性騷擾訊息：「其實一直都有，粗口又有性器官又有，亦都試過喺地鐵有人Air drop 性器官相畀我。」Xenia都冇話俾老公知，為咗唔想令騷擾者覺得太興奮，所以自己一律唔會回覆同畀反應。
