【Viu】MC啱啱同巴打洪嘉豪開完騷冇耐，呢晚又緊接出席
《叱咤樂壇Brand New Live生力軍音樂會》，MC就算喺台上唱出高難度嘅《浮誇》都勁輕鬆，反而喺後台接受記者訪問嗰陣勁緊張，一被問到個唱詳情即刻擰晒頭話乜都唔知，不過佢就透露已經為個唱密密做準備，依家努力增磅中，增返10令磅之後就會開始操肌嘞！
而Gigi張蔓姿呢晚就小露蠻腰，非常有睇頭，對於孖生細妹張蔓莎今年進軍樂壇做新人，做家姐嘅都有叫佢keep住平常心，至於被問到自己女新人金獎嘅成績會唔會令細妹有壓力，Gigi就話完全唔會，事關佢哋嘅關係好親密，經常會比鼓勵同支持對方。另外Gigi都希望可以同妹妹出合唱歌，不過會等對方專注好目前工作先，咁好嘅家姐去邊度搵啊！
