【Viu】ERROR成員193同肥仔、ANSONBEAN、MC張天賦等噚晚出席《叱咤樂壇Brand New Live生力軍音樂會》，一向舞藝了得的肥仔，同舞藝一樣精湛嘅BEANBEAN跳唱《特務肥姜》，炸爆亞博，而33唱出《再次Puppy Love》嗰陣，仲嗨到衝落台同fans互動，老婆們真係冧到暈低晒嚕！
今次開騷可以同肥仔跳唱，以及同咁多唔同歌手合作，BEANBEAN都勁開心，仲話好有新鮮感添，而講到早排喺電影《明日戰記》嘅謝票活動上，終於可以同古天樂有近距離接觸，BEANBEAN一樣興奮到模糊，仲話自己因為睇咗《明日戰記》，所以已經係「古太」，真係笑死啊！
而自稱啱啱喺老家NewYork返嚟開騷嘅
MC $oHo & KidNey就透露今年內會推出新歌，仲話希望嚟緊可以搞海外tour，想搵麥當娜一齊jam歌添啊！
