【Viu】由杜琪峯牽線召集6位殿堂級導演朋友洪金寶（大哥大）、許鞍華（Ann）、譚家明、袁和平（八爺）、林嶺東及徐克，各自執導一個與香港有關短篇故事而成嘅電影《七人樂隊》本月28日正式公映，七位名導今次利用菲林拍攝，希望向菲林年代致敬。杜sir憶起故友林嶺東爆料指被對方呃做大佬幾十年，近年先發現原來對方喺自己同周潤發中係年紀最細。
Ann再度邀得吳鎮宇合作，但覺得虧欠咗對方，又解釋搵馬賽演老師嘅原因。大哥大負責故事關於童年練功刻苦回憶，佢覺得年代不同教育方式亦不同，自己絕對唔敢打鬧孫仔。杜sir仲話今次同成班老友拍完套戲好開心，希望20年後再拍，八爺即刻話：「唔洗20年咁長，3年都夠！」成班名導演聚埋都有講起香港新一代導演，八爺話有啲新導演會各自為政，咁其他導演又點睇呢，即刻睇片啦！
