【Viu】 古巨基呢幾年忙住做湊仔公已經好耐冇出碟！最近佢終於推出《I Really Love To Sing》合唱專輯既第一炮，係同MIRROR成員Edan合唱《飄流教室》呀！MV女主角就請嚟八十年代女神柏安妮嘅十七歲囡囡許恩怡Natalie，呢個組合本身已夠新鮮，加埋一身校服Look係青春既！MV其中一幕講到Edan同心儀嘅Natalie，一齊去古Sir喺CD鋪舉行嘅新碟簽名會，Edan仲好搞笑咁話今次陪鍾意嘅女仔嚟見偶像，終於體驗到「前夫」嘅感受喎！而古Sir雖然係演返自己，但MV時間線係2012年，正值《告別我的戀人們》呢隻碟推出嘅時候，所以佢特登整番當時個髮型，加埋件褸同十年如一日嘅童顏，唔知以為穿越左添呀！雖然MV裡面，Edan同Natalie結果都冇喺埋一齊，不過佢哋喺海旁嘅呢幕曖昧戲份，真係睇到大家心跳加速，若即若離先係最夭心夭肺架嘛！
