【Viu】古巨基最近同Edan合唱《飄流教室》，真係勁有驚喜！噚日基仔仲公開咗新歌嘅錄音過程，佢猛咁讚Edan唱新歌開頭嘅真假轉換唱得非常之靚，仲話Edan把聲唱輕啲嘅歌好好聽啊！而今次同基仔合作，Edan都獲益良多，事關基仔教咗佢唔少唱歌技巧，仲捉到佢一個小壞習慣添，就係當唱第一個字嗰陣，Edan已經放咗好多氣出嚟，基仔就教佢要將腹部收緊多啲，好似潛水咁收緊嗰啖氣，然後穩定地逐少逐少漏出嚟，真係袋咗好多錢落袋啊！除咗錄音花絮，仲有基仔同Edan著住校服孭埋書包嘅片等住上，應該幾爆笑嘅，真係好期待啊！
