【Viu】喺網上音樂選秀節目「冤枉新秀訓練營」殺入3甲嘅Andy黎展峯，5月推出第一首派台歌《跳》，正式出道做歌手，不過Andy就自爆喺籌備新歌呢半年時間，佢一度對自己失去信心，不過好彩之後終於諗通咗，而家仲抱住積極心態去學習同吸收添！講返當時比賽，Andy覺得參賽最大得著係令佢明白唱歌唔應該只係著重技巧，仲要顧埋層次同感情鋪排，而參加完比賽不論身型定性格，Andy都有好大轉變，為咗上鏡好睇啲，Andy由82kg減到去72kg，足足瘦咗成10kg，犀利啊！性格方面，Andy就由顧慮多多，變到勇於踏出第一步，識得享受過程嘞！
Andy仲自爆好想同張敬軒合作，喺比賽時仲曾經比軒公話佢似自己嘅三姨同三表弟添！
