【Viu】 張敬軒16場重啟演唱會繼續go on！因為疫情歌迷已經等咗成4個月先有得睇騷，但係軒公竟然話諗過想將個Show再押後啲舉行？事關佢唔想再俾張竹君醫生點名，仲話想送飛俾張醫生請佢睇演唱會！而自從林明禎送咗個榴槤俾軒公之後，送禮似乎變成每晚嘅必備環節！第三晚嘉賓洪嘉豪就送咗一札花，多謝軒公當初嘅鼓勵，唔單止教佢創作仲送咗一堆樂器同器材俾佢！而軒公亦禮尚往來，將跟咗自己十幾年嘅御用紅MIC送俾嘉豪，希望佢有朝一日都可以衝上紅館，真係洋蔥位嚟㗎！除此之外，軒公仲請嚟Dear Jane同吳林峰擔任嘉賓，多位圈中人，包括AGA、草蜢嘅蔡一傑，仲有MIRROR成員Stanley同女朋友Alina，都拍住拖嚟睇騷呀！
