【Viu】Alan布志綸由樂隊Mr.主音轉做個人歌手已經將近5年，最近佢推出新歌《飛烏俠》，盡訴心中情，Alan因為疫情所有工作計劃都打亂晒，搞到不時想放棄音樂夢，仲自爆考緊保險牌，希望可以維持生計，不過同時亦好多謝歌迷喺疫情下企出嚟幫佢大大力宣傳新歌，令佢非常感動！而講到新歌MV，自己無緣演飛鳥俠，Alan都覺得有啲飲恨，仲話其實都想演多啲戲，希望比更多人認識自己唔同嘅一面，Alan亦趁機向監製、導演sell下自己添！除咗音樂人身份，Alan仲有「爸爸」呢個角色，雖然唔知自己係咪囝囝Adam心目中嘅super hero，但Alan就話一定係兒子嘅榜樣，仲話應承得佢嘅嘢就一定會做到，真係廿四孝爸爸啊！不過提返嚿年年底開騷，佢哋父子檔同台jam歌，Alan就似乎唔多想阿仔步自己後塵，入行做歌手噃！
