【Viu】林欣彤（Mag）自認愛樂隊ONE PROMISE（OP）成員Anton後，今日首度現身，有愛情嘅滋潤心情靚爆！提起男朋友仔即刻甜絲絲，冧爆指對方係佢入行以嚟首個公開嘅男朋友：「我好戥自己開心！」又話依家終於可以開開心心拍拖，仲培養咗個影相新興趣，當Anton係model練習，會唔會太sweet？之但係，提及佢認愛嗰陣被指係「小三」，Mag再次否認：「我相信謠言止於智者！雪亮嘅眼睛係識得分是非黑白。」
講到佢將於8月頭同香港業餘管弦樂團舉行兩場音樂會，活動期間又被問到想邀請邊個做嘉賓？當時佢秒答想邀請band，莫非係愛屋及烏想請OP？Mag直言好想，但覺得首次情侶檔出騷呢個珍貴機會要等待適合嘅時機！
