【Viu】Kay謝安琪今日出席美容院活動，同任司儀嘅強尼互讚Keep得好。Kay透露平時採用「佛系護膚」，做咗代言人先多咗做Treatment，仲想帶埋老公張繼聰齊齊做Facial，笑問佢覺得阿聰最需要改善邊部份？Kay就大讚老公夠自律，喺自己眼中自帶光芒，嘩，閃到呢！
講到囡囡最近照鏡狂擺Pose，Kay力撐囡囡唔係貪靚，只係對美學同生活有想法同態度，似足媽咪，哈哈！Kay又話kakaball鍾意自己揀衫，亦有用公主造型嘅護膚同化妝品，巧打耳呀！此外，Kay好期待8月同方皓玟開騷，笑言啱key到可以組女團，雖然未必會跳舞，但可以上台表演做腹肌，又搞Gag話可以「做腹人群」，笑死！
