【Viu】林家謙今日為專輯《SEVEN》舉行簽名會，同數百名fans近距離深度交流，佢搞笑自稱似「林醫師」睇症，而呢次亦係家謙嘅處男簽，所以心情寧舍興奮，希望fans有個開心回憶。咁下次交流會唔會就係開騷呢？家謙怕醜笑話：「幫緊你哋！幫緊你哋！要問吓紅磡嗰邊啦！」係咪問咗就開到㗎啦？好期待呀～
講到家謙最近出咗首新歌《doodoodoo》，係同「小隊長」盧廣仲攜手合作，而促成到呢次港台crossover，估唔到係由網友牽線，家謙再主動向盧廣仲邀歌，大家依家先有好歌聽呀！兩大才子之後會唔會有機會合作呀？家謙大賣關子話唔知，唔想畀壓力對方，但都希望有呢個機會！
