【Viu】樂壇女新人Jaime（張天穎）以獨立唱作歌手身份出道，首支派台歌《fallen 4 u》仲係由佢包辦曲、詞、編、監，實力唔使多講就知極強啦！Jaime唔止天生有把靚聲，心地仲非常善良，私下番緊兩份充滿愛心嘅part time，一份係教家境困難嘅小朋友彈琴，另一份就係同長者做音樂治療，簡直係人美心善！
獨立歌手路一啲都唔易行，好彩Jaime得到家人、朋友全力支持，憑住爸爸嘅一句說話全速前進：「如果你要去做，你就真係晒冷去做！」想知Jaime嘅追夢過程係點樣？中間有冇遇到樽頸位？佢仲話希望同其中一位家庭成員組組合出道，呢位成員係邊個？答案喺晒新一集《Viu1 娛樂專題》入面！
