【Viu】舞台劇《關於那隻龜回魂的故事》完成首場公演！全劇演員Lokman@MIRROR、阮小儀、「阿炳」梁仲恆、王耀祖、胡麗英、倪秉郎、阮韻珊聯同導演陳焯威，一齊謝幕見觀眾！王耀祖搞笑話趁住係首場演出要搵嘢爆，之後一嘢將個波交畀阿炳、Lokman，佢哋輪流爆咗啲咩？
Lokman表示遇上一個好warm嘅劇本、團隊，互相依靠、相信演咗齣好戲，之後仲獲頭巾兵團送上鮮花添！而王耀祖亦大讚Lokman排劇前做足準備，對任何要求永遠都say yes，係一個好叻嘅演員！
輪到小儀發言嗰陣，除咗再三提醒觀眾唔好穿橋之外，又指劇組好有愛，特別喺呢幾個月經歷愛犬細佬佬多次進出醫院，即忍唔住喊咗出嚟，場面感人！王耀祖就公開爭取、叫觀眾幫手呼籲張栢芝嚟睇騷，至於個原因係咩？咁就等佢講啦！
最後一眾演員化身地表最強sales，逐個植入式宣傳舞台劇周邊product，其中Lokman更係瞓身除衫，呢個畫面真係可以出得街？另外，首場嚟睇騷嘅嘉賓亦唔惹少，有黃子華、Eason陳奕迅、Marf@COLLAR、「國際巨星」阿正黃正宜、森美、柯煒林、鄧濤、Sica、蘇文濤、陳海寧、張蔓莎、張蔓姿、伍詠詩、黃溢濠、卓韻芝、梁禮彥，仲有《IT狗2.0》Family，簡君晉、岑珈其、凌文龍、陳漢娜、周祉君！先送上謝幕實況，預祝餘下17場騷場場Good Show！
