【Viu】舞台劇《關於那隻龜回魂的故事》今晚展開頭場演出，一眾演員Lokman@MIRROR、小儀、梁仲恆、王耀祖、胡麗英、倪秉郎等，喺傍晚時分進行拜神儀式，祈求一切順利！Lokman坦言有啲小緊張㗎，都會諗觀眾嘅反應會係點！
而小儀就話好期待演出，預告劇入面有多個感動位，特別有一場係以角色身份講自己嘅心聲，自爆試過喺排劇嗰陣淚崩！Lokman亦話有啲段落都會click中自己嘅死穴，喺唔同moment聽都有唔同嘅感覺！呢次Lokman仲準備咗個surprise，整咗件靚Tee畀team turtle，聲明係非賣品嚟㗎，真係想買都冇呀！見Lokman為角色留鬚，係咪留足18場唔剃？
Lokman又指開心見到Tiger家、AK家、頭巾兵團送花籃，順帶問到有冇慰問AK右手受傷，Lokman笑答熟先唔使慰問呀！至於小儀就開心share偶像草蜢、劉德華送花籃，又搞笑爆森美大哥擺烏龍，早一日同佢講Good Show！唔知老公仔會撐幾多場呢？
劇集《IT狗2.0》熱播中，Lokman力讚編劇、編審富有前瞻性，估唔到早幾年拍落嘅電視劇，個內容同依家係咁貼！同時都要加隻雞髀畀簡君晋導演，事關客串演員陣容強勁，古天樂有份join都超正！劇情講述Gao喺劇中笑談湊班姊妹又攰又抑鬱，咁Lokman湊班鏡仔又有咩感受？另外，小儀愛犬細佬佬前日再入院，佢話唔希望心情影響到演出，會每日來回醫院、劇場支持細佬佬！快啲睇足本訪問啦！
