【Viu】日前憑舞台劇《我推的男子》獲提名舞台劇獎「最佳男主角（喜劇/鬧劇）」嘅Lokman@MIRROR，今年又有機會踏台板啦！年度大型溫情舞台喜劇《關於那隻龜回魂的故事》嘅班底仲有人妻小儀、梁仲恆 、王耀祖、胡麗英、阮韻珊、倪秉郎！唔講唔知，原來小儀同Lokman係識於微時，仲要係「微」到係Lokman啱啱中學畢業咋！佢哋又因咩事相識呢？
而呢次舞台劇係講述一個有關家人同寵物，喺面對離別、走過誤解與傷痛嘅故事。正所謂家家有本難念的經，Lokman、小儀、阿祖認私下梗有過同屋企人嗌霎嘅經歷，最後係點互相遷就、磨合？仲記唔記得嘈過最激嘅一次係幾時？想知就即刻去片聽三位真情剖白！
