【Viu】由游學修、蘇子情主演嘅舞台劇《試鏡》，今晚喺壽臣劇院開始公演共10場，頭場順利完成！阿修、子情完場後受訪，自評80分勁謙虛，希望喺餘下嘅9場公演越演越好！導演朱栢謙超滿意兩位嘅表現，拍爛手掌！呢次舞台劇全場個半鐘冇過場、冇轉場景、冇中場休息，對演員嚟講絕對係一大挑戰，子情坦言一定有壓力，但會轉化成能量！
講到子情套「戰衣」極級sexy，黑色lace情趣內衣大露事業線、下身就T-Back晒靚股兼長腿，佢笑言努力綵排就自然keep到副弗爆body！見佢喺劇中不乏腿張開性感動作，子情指有做足安全措施嘅，仲叫觀眾放心睇添！問到阿修正視子情嗰陣會唔會怕醜？佢鬼馬笑答大個仔有見識過呢個世界，反而如果對方係男人着成咁就尷尬啦！咦！呢個男人會唔會係講緊佢自己先？場刊入面有張相係阿修反串扮女人，着上同一套戰衣，佢笑言被同事讚條腿好sexy，着之前有咩心理關口要突破？女友Ca姐有咩comment？會着返去「試當真」？
見古天樂有送贈花籃，阿修笑指冇邀請古生嚟睇舞台劇，點解嘅？提及香港電影評論學會日前公布《第31屆香港電影評論學會大獎》得獎名單，阿修以一票輸俾劉青雲失影帝，繼金馬後再攞亞軍，佢笑言飲恨同時覺得好開心，就算被笑係「亞修」都開心！但呢次「傳染」埋畀鍾雪瑩，又係輸一票，阿修會點負責任？事後資深電影人文雋斥電影評論學會冷待《破·地獄》，阿修又點回應？
另外，蕭定一出post狠批《公開試當真》離晒譜，怒罵團隊冇誠意，阿修大方回應指覺得蕭定一講得幾好，會虛心聽別人嘅批評，下次先可以做得更好！快啲去睇足本訪問片啦！
