【Viu】Brian陳安立、林希靈選擇今日24號平安夜，完成人生大事。兩人中午喺深灣遊艇會舉行婚宴，肥仔@ERROR、七師傅、一姐Hailey等等都係座上客，而強尼、娟姐呢對《有酒今晚吹》拍檔就係司儀，如果秉承節目傳統，現場賓客應該不醉無歸。問娟姐是咪已準備好向一眾靚仔兄弟團「埋手」？佢即自爆出pool：「阿姐我依家蜜運，拍咗幾個月，對方係圈外人。」娟姐仲話難得有拖拍，一定唔會俾自己飲醉，爭取時間拍拖，仲話會喺屋企煮飯仔，喂呀咁浪漫，咁記得出入平安喎！
而一對新人就反而唔想平安，Brian話同老婆都好鍾意小朋友，希望今晚一擊即中！希靈仲話七師傅有教張床擺咩方位添！講到honey moon？希靈表示老公1月開始就要拍劇，所以佢已經約咗班姊姊飛日本獨享honey moon，由老公獨守空房！雖然見到一對新人咁恩愛，但肥仔表示暫時都未有結婚衝動，希望等事業再穩定啲再計劃啊！
