【Viu】陳安立（Brian）與未婚妻林希靈（Agnes）今日現身會展出席運動活動齊齊吸金，同場還有拳王Alain Ngalani，Agnes忍唔住當著未婚夫面前摸拳王胸部，表現興奮！十二月婚禮舉行在即，Brian話因為之前出埠拍攝節目離港數個月，明正言順將籌備婚宴重任交給Agnes，但對方同樣逃避面對，Brian回港後兩人更齊齊逃避wedding planner追問！Agnes仲話而家日日洗腦式要求Brian不要在婚禮上唱歌送驚喜，擔心會變成「技安」歌喉黑歷史被恥笑一生。
近日有身邊朋友推介造人偏方，可以選擇生男生女，令Brian質疑成效，Agnes就講笑話生幾多個小朋友要視乎Brian賺錢及身體能力：「所以我而家鞭策梗佢努力搵錢，養小朋友好貴！」
