【Now.com】鄭秀文凌晨在個人社交平台上載了與導演杜琪峯慶祝69歲生日的飯聚合照，照片中還有杜太、鐵腳古天樂和鍾楚紅等，十分融洽溫馨。

【Viu】Apink普美被爆和大九歲的音樂人宋周英拍拖八年。即睇Viu《K1韓娛新聞 2024》！

【Viu】《全民造星V》冠軍Lyman香胤宅喺香港嘅首個舞蹈劇場《Unspoken》，將於月底喺壽臣劇場上演，顧名思義，呢個劇只會用肢體語言表達故事內容，喺零對白嘅情況下，表達主角失去摯愛嘅傷痛，Lyman仲為此專誠探訪善終服務機構，令佢感觸良多！

講到唔少情侶同夫妻都會傾談邊個走先嘅議題，Lyman當然都有同太太分享，仲自爆因此畀老婆「重擊」，搞到成身瘀晒，估唔到咁嚴肅嘅話題，放喺活潑嘅Lyman身上，都能夠以笑帶過，有料呀！雖然如此，但係Lyman都係一個周詳嘅男人嚟嘅，講緊計劃呀，為咗太太可以安享晚年，仲同小編分享佢嘅置業大計，So Sweet！

想知道Lyman點樣備戰首個Showcase？教《造星V》導師Rose同German跳舞時夠唔夠兇狠？各位「香印提籽」又有咩福利？呢個專訪真係must watch喇！

【Viu】MIRROR今日齊人出席《12怪盜團魂見面會》，同280名鏡粉見面兼玩遊戲，12子逐一發問關於《12怪盜》嘅問題，答中嘅Fans當然有獎，其中Frankie問咗題十級難度嘅IQ題：「著跑鞋可以跑步；著爬山鞋可以爬山；著蛙鞋可以潛水，咁著咩可以飛呢？」Fans即大叫：「呂爵安！」Edan即扮飛，阿Jer聞言亦爆笑回答：「爵屎！」

其後Jerdan合體玩大電視，差啲演變成打交，笑爆全場！向來冷靜嘅Jeremy仲玩到跪地；大表哥同AK模仿嘅「驅蚊大悲咒」都超有Heart，笑Cry呀！

難得12子合體，當然要送大禮畀鏡粉，原來彩蛋信封一早就黐咗喺幸運兒櫈底，好羨慕佢哋可以得到12子簽名嘅立牌呀！最後MIRROR同280位幸運兒大合照，可以咁近距離見MIRROR，相信大家今晚一定開心到瞓唔著喇！

【Viu】影帝張家輝、Niki周勵淇、唐文龍今晚現身電影《超意神探》首映禮，張家輝喺戲中角色擁有超強記憶力（超憶），所以是夜同Niki、唐文龍玩記憶遊戲，究竟佢哋有冇被考起？

張家輝今次仲係一人分飾多角，講到佢要扮女人，佢笑話唔係刻意討喜感，係劇情需要，至於當時有冇需要裝「假狗」？咁就真係要入場睇先知啦！Niki佩服張家輝每次都挑戰自己，而佢呢次就係飾演心理醫生，好開心可以過到戲癮！

對於電影喺內地忽然變「網大」，改變上映策略，由劇院改成低調上載至互聯網，問到會唔會影響票房？張家輝指演員只做好自己本份，唔會干涉前期、拍攝、後期，亦唔會扮專家去理會，喺咩平台、邊個方式上映都冇所謂，唔會對改變策略而感錯愕！咁會唔會期待票房如角色性格咁「超億」？張家輝牙擦指破億唔算好成績！另外，提到老婆關詠荷復出拍廣告，張家輝個樣即刻冧晒，想知佢有咩comment？咁就要睇足本訪問片啦！

【Now.com】天王劉德華終於重返舞台！今日（23日）劉德華在社交平台宣布舉行全新巡迴演唱會《今天…is the Day》，將走訪8大內地城市上海、廣州、北京、南京、杭州、深圳、成都和重慶演出。今次亦是華仔時隔10年來，首次重返內地舞台開騷，大批歌迷都引頸以待！

【Viu】Kay謝安琪今日以嘉賓身份現身銀行活動，大談子女去外國升學資訊。佢坦言雖然送小朋友去外國讀書會好唔捨得，但都有為一對仔女儲錢，而喺呢個moment就好firm今年17歲嘅張瞻之後會出國讀運動科學！

至於講到Kakaball，Kay笑老公「張先生」採取特別政策，喊住「恐嚇」個囡要留喺佢身邊，例如揚言未讀到大學都唔好諗拍拖，Kay聽到都即刻擘大對眼，咁唔知Kakaball又有咩反應？Kay仲爆呢對父女私下嘅甜蜜互動，甜度不亞於平時阿聰冧爆老婆，身為「正印」嘅Kay又有冇呷醋？

講返金像獎，Kay話個氣氛越嚟越好，可以入圍爭影后就已經好自豪、光榮！又抵死講到當日身邊長期有個「男神」張生好似貼身膏藥咁黐到實，所以一眼都冇望過其他男神！而主演《4拍4家族》獲頒「最佳原創電影音樂」，Kay話遲啲會再食飯慶祝！快啲撳入嚟睇足本訪問！

【Viu】TEENTOP前成員C.A.P早前在直播中爆料批評東方神起的允浩，更直指自己討厭允浩。即睇Viu《K1韓娛新聞 2024》！

【Viu】「壽星仔」姜濤以藍白造型現身《海洋王國．生日慶典》，同3000名幸運姜糖齊齊切蛋糕慶祝25歲生日，仲得到幸運之神眷顧，表演期間即停雨兼放晴，難怪壽星姜頻頻話要多謝上天！

由升降台升上嚟嘅姜Admin，笑言第一次企升降台，又話自己都想留喺度玩，開心仔返嚟喇！期間姜濤剖白心聲，直言呢兩年經歷高低潮，一度擔心今年仲有冇Fans幫自己搞生日Party，又話會繼續努力向所有人證明自己，希望Fans鍾意姜濤係值得驕傲嘅事！

最後姜Admin清唱《好得太過份》回饋「姜家人」嘅支持，一度爆笑自嘲忘詞，又同全場Fans Selfie留念，So Sweet！

【Now.com】韓國女團Apink成員普美今早（23日）被韓媒爆出戀愛緋聞，隨即以親筆信公開承認戀情，向粉絲透露自己與音樂製作人宋周英（Rado）秘戀8年的消息，指兩人因音樂結緣。消息一公開便登上韓網熱搜，不少粉絲都為普美送上真摯的祝福。

【Viu】430係姜濤25歲生日嘅大日子，由於撞正MIRROR 要準備巡唱新加坡站，正日唔喺香港過，姜濤香港後援會特意趁姜Admin農曆三月十五正日生日嘅大日子，喺主題樂園舉行《海洋王國．生日慶典》，同「姜家人」齊齊慶祝！雖然今日掛起黃色暴雨兼雷暴警告，但都無損「姜家人」熱情應援，高呼要為姜濤「遮風擋雨」，好Touching呀！

現場佈置充滿童話色彩，除咗有美人魚Look嘅小姜姜同小濤濤外，仲有大量戶外打卡位，包括「姜記冰室」、姜式甜品、懷舊霓虹燈牌、姜叮、姜姜纜車、攤位遊戲等，目不暇給呀！至於室內都展出3套演唱會服裝，仲有限量精品「美人魚小濤濤」出售，大排長龍呀！

【Viu】38歲的話劇演員朱善玉在劇團排練過程中突然暈倒，送院後被診斷為腦出血，未能恢復意識，最終被判斷為腦死亡。即睇Viu《K1韓娛新聞 2024》！

【Viu】林峯、胡子彤、German張文傑今日出席新片《九龍城寨之圍城》明星好友場，朱鑑然送上蛋糕賀老友子彤32歲生日。吳卓羲、楊茜堯、林夏薇、苗僑偉同太太戚美珍、黃浩然同張之亮導演等專誠捧場，卓羲仲為阿峯「破處派心」，除眼鏡時仲被「Chok峯」封為「吳Chok羲」，喺場內仲同曾傳緋聞嘅菊梓喬相隔幾行。

林峯、子彤同German笑認喺新片打出兄弟情，連帶劉俊謙可以組成「Kowloon 4」，有意出歌咁話，期待呀！打到周身傷嘅阿峯，自爆有返屋企賣慘呃阿女氹返，太太都唔敢睇呢套激烈打戲；子彤仲傷到下巴要縫十幾針，Respect呀！

至於卓羲笑言因為冇嘢撈而嚟撐場；茜堯就話推Job都要嚟；堂妹薇薇就話最想睇阿峯畀人打。咦，阿峯同卓羲Friend到咁，幾時再合作拍露股戲呢？聽吓佢哋親身解說啦，保證笑Cry！

【Now.com】藝人周海媚去年12月11日因突發心臟病在北京離世，終年57歲。而上周她的工作室亦在社交平台公開其墓園選址，地點是北京昌平區天壽陵園，指周海媚生前很喜歡北京。不少粉絲得知消息後紛紛前往拜祭，內地社交平台上隨即流出疑似是周海媚的墓碑照，相中的墓碑刻上「最美周芷若」造型畫像。

【Viu】一連兩日的KCON HONG KONG 2024已經圓滿落幕。在演出當日，《K1韓娛》走入後台，分別和4隊人氣組合進行了獨家專訪，大玩遊戲。率先登場的有剛剛回歸的BOYNEXTDOOR，馬上觀看他們的訪問吧！即睇Viu《K1韓娛新聞 2024》！

【Viu】活躍在綜藝節目《玩甚麼好呢？》的李美珠昨日（19日）認愛小3歲的足球選手宋範根。即睇Viu《K1韓娛新聞 2024》！