【MOBILE】西環作為香港嘅舊區，傳統、地道絕對係呢區嘅代名詞，如果想食經典嘅粵菜，都有唔少選擇，當中食神麗宮可以話係粵菜嘅名人飯堂。食神麗宮之所以成為名人飯堂，全因為有《食神》嘅戴龍師傅坐鎮，出品鑊氣十足，強調絕不添加任何味精，真係日日都可以咁有食神啦！
食神麗宮：潮式白胡椒豬肚湯
食粵菜又點少得飲返個靚湯呢？食神麗宮嘅潮式嘅豬肚湯帶有強烈嘅白胡椒味，味道麻香而不辣。而鹹菜非常爽脆可口，咸道適中。豬肚香滑彈牙，清洗乾淨，完全索晒胡椒同酸菜嘅味道，非常入味。
食神麗宮：家常豆腐
板豆腐和魚腐就係食神麗宮家常豆腐嘅主角！板豆腐非常嫩滑，豆香味濃郁，入口綿滑即化；加上新鮮軟熟，餐廳自家製作嘅魚腐，索晒醬汁，非常惹味。兩款豆腐都極具特色。
食神麗宮：川味辣子雞
食神麗宮嘅辣子雞，份量都唔少。雞件先走油，所以雞皮炸得非常脆口，雞肉亦能保持鮮嫩。用上辣椒乾、鮮辣椒兩種各走極端嘅辣椒作為呢度餸嘅主軸調味，辣得非常過癮，麻香又夠惹味。
