【A&M Diary】講到刺身，海膽綿滑柔軟、濃郁嘅鮮甜味加上淡淡海水嘅鹹香，絕對可以問鼎SS級嘅刺身地位！嚟到尖沙咀嘅鮨一，餐廳嘅海膽直接堆成一座小山，視覺上非常滿足，更令你享受海膽自由。而且鮨一嘅魚生、刺身每日新鮮空運到港，加上時令嘅魚獲，絕對係一場令人難以抗拒嘅鮮味晚宴！
鮨一：鮨一千層海膽飯
嚟到鮨一，必食嘅當然係鮨一千層海膽飯！海膽嘅份量超級多，成個小山丘咁鋪咗喺赤醋飯上面。至於海膽亦非常高質，入口綿滑柔軟，濃郁嘅鮮甜味加上淡淡海水嘅鹹香；加上充滿魚油香嘅吞拿魚蓉，兩款軟綿嘅口感配上新鮮輕脆嘅紫菜，所有嘅鮮甜味瞬間在口腔中爆發！
鮨一：上十貫目
鮨一嘅上十貫目壽司同樣係必點嗌，款式會根據每日空運到港嘅鮮魚而制定。今期流行就有火炙大拖羅、火炙劍魚腩、火炙日本蟹棒、北寄貝、赤蝦、三文魚、油甘魚、立魚、帶子、三文魚子。其中火炙大拖羅同火炙劍魚腩，入口即溶，而且魚油香濃，非常滿足；赤蝦同帶子非常鮮甜，質感帶膠；三文魚、油甘魚非常肥美，同樣驚喜。魚生下仲有赤糙米，將鮮甜油脂豐富嘅魚生襯托得非常完美！
