【A&M Diary】細個去food court，總有種令人期待嘅興奮感。面對琳瑯滿目嘅餐廳選擇，總會忍唔住逐間睇、逐樣揀，最後帶住既期待又忐忑嘅心情，捧住自己精心挑選嘅一餐返位慢慢享受。長大後，接觸過更多餐飲選擇，呢份單純嘅雀躍似乎漸漸被忙碌沖淡，但原來只要遇上對味嘅小店，嗰份熟悉嘅期待感依然會瞬間回來。植根多個food court、由韓國人主理嘅藝餐，正正帶來呢種久違嘅感覺。
藝餐：辣豬肉蓋飯
估唔到藝餐雖然係food court，但店員嘅服務都好有人情味，食食吓都問我要唔要加醬同加飯。沾滿大醬醬汁嘅豬肉肉質軟腍，肥而不膩，而每顆飯粒都撈滿大量韓國大醬，辣度恰到好處之餘，越食越開胃。至於襯托蓋飯嘅係三款韓國家常小食：泡菜不算太辣，獨立品嘗或撈飯都可；芽菜爽彈多汁；香腸片則襯托豆皮，同樣惹味。最後仲有一碗韓式雞蛋湯作為結尾，非常滿足嘅藝餐韓式便當一人前。
辣豬肉蓋飯
辣豬肉蓋飯
