【A&M Diary】濃郁足料嘅砂鍋翅代表矜貴，亦代表好貴？位於新蒲崗嘅潮盛館以潮州菜作主打，除咗鹵水打冷，仲有潮州經典菜式：砂鍋翅！潮盛館嘅二人砂鍋翅套餐，優惠價僅HK$302，除咗砂鍋翅，仲有鹵水等，共4道菜式，價錢親民抵食，但味道唔馬虎，又夠足料，啱曬同屋企人嘆番餐！
潮盛館：紅燒砂鍋翅
未食已經聞到砂鍋翅陣陣香濃嘅高湯鮮味，同時視覺上又被一梳梳嘅排翅所吸引呢！至於湯底加上肉骨、金華火腿等配料，以長時間熬制，所以味道非常鮮甜，濃郁厚身，又唔會杰撻撻，亦令原本無味嘅翅更入味。建議將湯汁同翅撈上套餐已包嘅白飯，自製一碗懷舊嘅魚翅撈飯。
潮盛館：生炸BB乳鴿
潮盛館嘅生炸乳鴿，外皮特別香脆，咬落去聽到「咔嚓」一聲，肉汁應聲而湧出，夠晒Juicy，絕對係皮脆肉嫩嘅代表。
