【A&M Diary】尖沙咀有唔少餐廳選擇，但講到平民價錢嘅隱世食堂，唔知你又有無去過海防道熟食中心呢？經歷接近兩年嘅大裝修，海防道熟食中心終於喺今年10月重開。熟食中心其實即係大排檔，入面有大概10間茶檔，主打都係港式風味，我哋今日就試吓呢間鴻記茶檔啦！
經過裝修嘅熟食中心，變得企理衛生，空間比以前大咗，仲有風扇，無以前咁侷促，環境同衛生都改善咗唔少。鴻記茶檔本身主打雲吞粉麵，但我哋今日就試咗常餐。老闆仲同我哋講，茶檔嘅辣椒油係最出名，記住要試試。試完之後，非常認同，佢哋嘅辣椒油好香又足料，裡面仲有瑤柱呀！
沙嗲牛肉太陽蛋麵
沙嗲牛肉嘅汁非常香濃，牛肉就無咩肉味，但尚算嫩滑。
