【A&M Diary】香港係亞洲國際都會，當時代巨輪不斷轉動下，原來喺維多利亞港內竟然仲有超過400年歷史嘅寮屋區？呢度就係位於藍田同油塘之間嘅茶果嶺村，村內尚存唔少有人居住嘅鐵皮屋，仲有呢間懷舊冰室：榮華冰室。
茶果嶺村
全盛時期住咗兩萬人，大街兩旁開滿餐廳、酒樓、士多、米舖等等，依家人去留空，除咗千幾個居民，仲有幾間冰室。
榮華冰室
入到嚟榮華冰室好似時光倒流六十年，店內嘅桌椅同裝飾擺設都充滿歷史嘅痕跡。冰室係傳統卡位，牆上貼滿名人相片，絕對係輝煌嘅見證。
餐蛋麵
喺冰室食嘅唔係花巧，只係平實嘅人情味。呢碗麵嘅麵底係出前一丁，加上即叫即煎嘅餐蛋，食嘅就係老闆嘅誠意。而且呢碗餐蛋麵亦係親民嘅價錢，一碗都只係HK$18，原來除咗店內環境，連銀包都時光倒流。
