【Now新聞台】截至早上11點，1小時內《彭博》用戶關注度上升最多的港股，依次為：新鴻基地產、中國飛鶴、花樣年控股、波司登、騰訊控股。
今日本地地產股向下，新地更一度大跌逾4%，市場對美國提早加息憂慮增加，另外南非發現新型變種病毒株，呢啲消息係唔係困擾本地地產股嘅最主要因素？
大華繼顯執行董事梁偉源指，加息對本地地產股影響有限，相信跌幅係因為發現新變種病毒，以往一發現新變種病毒，疫情有機會快速蔓延，咁會對社會經濟活動同樓價造成即時影響，不過早前集團有大股東增持股份，留意會唔會幫到股價企返上90元至95元水平。
