【Now新聞台】截至早上11點，1小時內《彭博》用戶關注度上升最多的港股，依次為世茂集團、萬科企業、國泰航空、華虹半導體及佳兆業集團。
據《彭博》消息，世茂有明年到期嘅美元債一度跌停，恢復交易後再大跌，跌幅介乎8%至10%。雖然世茂旗下有世茂服務(00873)，但照計應該冇「賣仔」需要，但今日世茂孖寶齊齊捱沽，「死因」到底係乜？
寶鉅證券董事及首席投資總監黃敏碩指，部分受市場氣氛影響，睇返世茂嘅反應，市場係有少少擔心。Michael又話，世茂股價一直畀條20天線壓住，加上其他幾條移動平均線都順勢向下，雖然世茂基本面唔差，但依家明顯因為擔心內房債務風暴而掟貨。
