【Now新聞台】截至早上11點，1小時內《彭博》用戶關注度上升最多的港股，依次為平安好醫生、萬科企業、中國人壽、康希諾生物、中國石油化工股份。
平安好醫生股價連跌第5日，今日暫時都跌超過10%。消息層面上，國家衛健委發布互聯網診療監管徵求意見稿，股價立即受拖累，跌穿10月初低位，不過另外兩隻同業阿里健康同京東健康就冇跌咁多。平安好醫生跌咁多原因係乜？
大華繼顯執行董事梁偉源指，平安好醫生大跌，主要係公司冇發表季績報告，令投資者難以掌握公司業務狀況。
他指出，行業監管不明朗，加上其他同業公司有發布季績報告，平安好醫生就冇咁做，投資者自然信心薄弱，要做減持時，都會先向開平安好醫生刀。
