【Now新聞台】截至早上11點，1小時內《彭博》用戶關注度上升最多的港股，依次為龍源電力、瑞聲科技、中煤能源、中國神華、海豐國際。
內地報道，3個主要產煤省份答應增加供應，以紓緩電力短缺，而且會折價向電廠提供長期煤炭供應。消息一出，今日電力同資源股回軟，其中龍源急挫10%，連跌第3日。煤股表現亦都差，神華同中煤能源一齊跌。
大華繼顯執行董事梁偉源指，雖然內蒙確認增產，但唔可以加價，陝西、山西就因為天氣問題，短期內都好難增產，對煤炭企業嚟講，增產但加唔到價始終係不利。電力公司方面，以現時嘅煤炭價格水平，每生產1度電都要蝕錢，但又唔可以加電費，亦係不利。
Steven又話，龍源之前大轉型，電力生產方面逾70%轉用新能源發電，但今日「跌過龍」，相信係被成個氣氛影響。
