【Now新聞台】截至早上11點，1小時内《彭博》用戶關注度上升最多的港股，依次為中國石油化工、世茂集團、周大福、順豐房託及領展房產基金。
中石化係今朝表現第2好藍籌，但市場似乎高估咗中石化股價前景？
京華山一國際研究部主管彭偉新指，中石化屬經濟復甦概念股，加上國際油價升，令唔少投資者睇好中石化股價，不過，中石化用唔少入口油，會令煉油成本上升，加上中央可能擔心通脹令經濟過熱，為成品油價上調機制設更多關卡，令中石化有機會捱貴油。
彭偉新提醒投資者，雖然中石化今日升得唔錯，但阻力都慢慢浮現，估計股價升到4.3元水平好難再有突破。
