【Now新聞台】【Now財經台】截至早上11點，1小時內《彭博》用戶關注度上升最多港股，依次為長實集團、中國石油化工、新奧能源、合景泰富、中國石油。
國際油價急挫，拖累中石化及中石油股價，其實債息抽升，係因爲預期經濟復甦，同埋通脹升溫，但點解油價唔可以受惠？
大華繼顯執行董事梁偉源指，油價自去年10月低見每桶35美元水平，升至今年3月約68美元水平，主要受石油輸出國組織(OPEC)不斷減產影響，現時市場開始擔心油組會唔會繼續減產，加上美國石油庫存最近增加，同埋歐洲疫情反覆，多國再度封城，令經濟復甦前景蒙上陰影，都會拖低油價。
Steven預期，油價要升至介乎68美元至70美元水平有一定難度，除非油組進一步減產，否則油價難有急升空間。
